Жаңалықтар

«Орта білім беру сапасын ғылыми –практикалық негізді көтеру»

2024-2025 оқу жылында Түркістан облысы әкімінің қолдауымен «Орта білім беру сапасын ғылыми –практикалық негізді көтеру» бағдарламасы іске асуда. Бағдарламаның ғылыми жетекшісі Абай атындағы Қазақ ҰПУ зерттеуші- профессоры, Қазақстан Педагогикалық Ғылымдар Академиясының президенті, облыстық білім басқармасының штаттан тыс кеңесшісі, академик Асқарбек Қабыкенұлы Құсайыновтың жетекшілігімен Ордабасы ауданында ата-аналармен кездесу өтті. 1,2 және 5 сынып ата-аналарымен жеке кездескен профессор еркін форматта әнгіме жүргізді. «Тәрбие тал бесіктен басталады» деп бастаған алғашқы сөзін ғалым шет елдердегі тәрбиелеу қандай деңгейде жүргізілетінін өз тәжірибесінде көріп келген әсерімен бөлісті. Ата-аналар сұрақ-жауап алысып, әр қазақтың баласы деп шырылдап журген ғалымға разылықтарын айтып тарқасты.

«Орта білім беру сапасын ғылыми –практикалық негізде көтеру»

«Орта білім беру сапасын ғылыми –практикалық негізде көтеру» бағдарламасының ғылыми жетекшісі Абай атындағы Қазақ ҰПУ зерттеуші- профессоры, Қазақстан Педагогикалық Ғылымдар Академиясының президенті, облыстық білім басқармасының штаттан тыс кеңесшісі, академик Асқарбек Қабыкенұлы Құсайынов Ордабасы ауданына келген іс-сапарының екінші күнінде С.Ысмайлов атындағы ЖББМ базасында ақылдасу сабақтарына енді. Бағдарлама аясында жұмыс жүргізіп жатқан 1,2 және 5 сыныптар сабақтарына енген академик мұғалімдермен дөңгелек үстел барысында құнды кеңестерімен бөлісті. Кездесу соңында ғалым мектеп директоры мен мұғалімдеріне кітабын тарту етті.

ОРТА БІЛІМ БЕРУ САПАСЫН ҒЫЛЫМИ-ПРАКТИКАЛЫҚ НЕГІЗДЕ КӨТЕРУ ЖИЫНЫ ӨТКІЗІЛДІ

Ағымдағы жылдың 30 қаңтар күні Ш.Қалдаяқов атындағы мектеп-гимназиясының базасында Ғылымдар Академиясының басқарма төрағасы А.Құсайыновтың қатысуымен «Орта білім беру сапасын ғылыми-практикалық негізде көтеру» бағдарламасының жүргізілу барысы туралы келелі жиын өтті. Жиынға Түркістан облысы білім басқармасының, орта білім беру бөлімінің бас маманы Жылқайдаров Рауан Даулетханұлы және білім беруді дамыту орталығының әдіскері Арқабаев Нұғман Сманұлы қатысты. Жиын барысында академик А.Құсайынов білім сапасын көтерудегі жұмыс жоспарларын талқылап, алдағы атқарылар жұмыстардың легіне де тоқталып өтті. Сонымен қатар, маңызды сұрақтарды талдап, шешілу жолдары да түсіндірілді. Жиын барысында Асқарбек Қабыкенұлы бағдарлама аясында жоғары деңгейде жұмыс жасаған Ш.Қалдаяқов атындағы мектеп-гимназиясының бастауыш сынып мұғалімі Даримбекова Кулзад Дуйсембаевнаға демалыс-сауықтыру орталығының жолдама сертификатын табыстап, 15 мұғалімге облыс әкімі орынбасарының және білім басқармасының құрмет грамотасымен марапаттады. Жиында сөз алған мектеп директорлары, мұғалімдер білім сапасын көтерудегі бұл бағдарламаның берер нәтижесі жақсы болатындығын және оны арттыру қажет екендігін атап өтті. Жиын соңында әрбір мектептен келген мектеп басшылары мен орынбасарларының тұшымды ұсыныстары ескерілетіндігін жеткізді.

Құрметті Педагогика Ғылымдары Академиясының мүшелері!

Біздің академия атынан телефондарыңызға жағымсыз қоңыраулар мен хабарламалар жиілеп кетті. Мұндай жағдайларда академияның қазіргі қызметкерлеріне хабарласып, түрлі жалған ақпаратқа берілмеуіңізді сұраймыз. Атап айтқанда, қазір біздің Академиямыздың семинар өткізіп жатқаны туралы ақпараттық бюллетень бар, бірақ бұл шындыққа жанаспайды. Сергек болуыңызды сұраймыз.

12 желтоқсанда Ордабасы ауданында өткен кеңес